Inatsit tunngaviusoq
Inatsit tunngaviusoq, aningaasat annertussusaat aamma isertitaqqortussuseq naapertorlugu pisartakkat pillugit paasisaqarnerorusuttunut https://www.sullissivik.gl innersuussutigineqarpoq.
Naalakkersuisut nittartagaanni www.naalakkersuisut.gl-mi Isumaginninnermut, Suliffeqarnermut Nunamullu Namminermut Naalakkersuisoqarfiup ataani isumaginninnermut inatsisit, peqqussutit, nalunaarutit allallu takuneqarsinnaapput pissarsiarineqarsinnaallutillu (download).
Utoqqalinermi soraarnerussutisiat
Inatsit tunngavigineqartoq: Utoqqalinersiaqarneq pillugu Inatsisartut inatsisaat nr. 20, 23. november 2015-meersoq, taassumali kingorna allanngortiterinerit.
2010-miit 2016-imut 65-inik ukioqalereersimasut utoqqalinermi soraarnerussutisiaqarsinnaatitaapput. 1. januaari 2017 aallarnerfigalugu ukiunut killigititat 66-inut qaffanneqarput. 1. Januaari 2021-mi qaffanneqarpoq ukiunut 67-inut.
Siusinaarluni soraarnerussutisiat
Inatsit tunngavigineqartoq: Siusinaartumik pensionisiat pillugit Inatsisartut inatsisaat nr. 40, 9. december 2015-imeersoq, taassumalu kingorna allanngortiterinerit.
Siusinaarluni soraarnerussutisiat timikkut, tarnikkut aamma/imaluunniit inunnik peqateqarsinnaanermik peqquteqartumik inuussutissarsiorsinnaannginnermi tunniunneqartarput. Siusinaarluni soraarnerussutisiat 18-ileereersimasunut, kisiannili suli utoqqalinermi soraarnerussutisiaqalersimanngitsunut.